آزادتورك

ياديما گلير كئچن ايل دوز بو زامانلاريدي, بيزه ديل كيلاسي قويموشدون.نئچه اؤيرنجييه ديل اؤيرتمك اوچون كيلومترلر يول گليردين.كيلاسين ايلك پروقرامي اؤز يازيلاريميزي اوخوماقييدي.ايندي ايستيرم يازديغيمي سنه اوخويام.بو سئري ايستيرم بير مكتوب يازام متين پورا,مهرداد كرمييه ,مهدي حميدي يه و اؤزلليكله ايبراهيم بي ساوالانا.
 گئجه دير,ساحات 3:30وسن چوخ ياخين بير اوزاقليكدا.بيلميرم نه حالداسان,بيلميرم بو كئچن اون بير ساحاتدا سنين باشينا نه گلميش.بلكه ايشكنجه آلتيندا,بلكه سويوق يئرده بلكه ده اؤز دئديغين كيمي يالنيز يوموراق آلتينداسان.
اوتوروب,سنين رحمتليك مهنديس امانييه يازديغين يازقي ني اوخويوب آغلاييرام.يازيدان ال چكه بيلميرم.گؤزومون ياشين سيليب يئنيدن اونو اوخوماغا باشلاييرام.يوخونون آنلامي بئينيمدن سيلينيب و يئرينده سنين يادين اوره ييمده اوتوروب.
سن دمير نرده لرين اوتاييندا,منيسه بوتايدا,كيم بيلير؟بلكه ده اؤزگورلوك بو سويوق دميرلرين اوتاييندا گيزله نيب؟ گيزلتمك ايسته ميرم,قوي دئييم,توتولماغيندان,اوزولدوغوم قدرده سؤووندوم.قوي توتسونلار سني.بلكه بير گئجه ليك اولسادا گئجه ني دينج ياتاسان.بلكه صاباح,شهردن  شهه ره  گئتدييين يوللار آغريلي بئليني اينجيتمه دي.
يوردوموزدا قيشين سويوقلوغو قيلينج كيمي كسير بيله مي  و تكجه سنه تاي گوجلو اينسانلارين يادي اوره
ييمي قيزديرا بيلير.قويما سويوق باخيشلار اوشوتسون مني.
اوره ييمده بير سؤز آغيرليق ائلييير,.بير سؤز دئمك ايسته ييرم،بير بؤيوك اينسادان بير بؤيوك اينسانا؛بلكه بو سؤز دوداقلاريندا گولوش اوتوردوب, مني سؤووندوردو:

" بؤيوك اولماق اوچون  
 هئچ كيمسه يه ايلتيفات ائتميه جكسن  
هئچ كيمسه ني آلداتماياجاقسان  
اؤلكه اوچون گئرچك آماچ نه ايسه اونو گؤره جك، او هدفه يورويه جكسن  
هركس سنين علئيهينده بولوناجاقدير  
هركس سني يولوندان چئويرمه يه چاليشاجاقدير  
فقط سن بونا ديرنه جكسن  
اؤنونه سونسوز انگللر ده ييغاجاقلار 
كنديني بؤيوك دئگيل، كيچيك، ضعيف، آراجسيز، هئچ ساياراق  
كيمسه دن يارديم گلمه يه جگينه ايناناراق  
بو انگللري آشاجاقسان  

بوندان سونرا دا سنه بؤيوك دئيرلرسه,بونو سؤيله ينلره گوله جكسن. " (آتا تورك)

ساوالان پورت